ສ ເກົາຫຼີ ຈັດວາງກຳລັງລົດຕັງສູນບັນຊາການໃໝ່
ອີງຕາມລາຍງານຈາກເວັບໄຊ້ asianmilitaryreview.com ແຈ້ງໃຫ້ຮູ້ໃນວັນທີ 15 ທັນວາ 2023 ນີ້ວ່າ: ກອງທັບ ສ ເກົາຫຼີ
ໄດ້ຈັດວາງກຳລັງລົດຕັງສູນບັນຊາການ ຂະໜາດ 8x8 ໃໝ່ເປັນຄັ້ງທຳອິດ. ລາຍງານໄດ້ໃຫ້ຮູ້ວ່າ: ໜ່ວຍງານຝ່າຍຈັດຊື້ອຸປະກອນປ້ອງ
ກັນຊາດຂອງ ສ ເກົາຫຼີ ໄດ້ເຮັດສັນຍາສັ່ງຊື້ລົດຕັງສູນບັນຊາການຈຳນວນບໍ່ເປີດເຜີຍກັບບໍລິສັດ Hyundai Rotem ຈຳນວນ 2 ຄັ້ງຄື:
ຄັ້ງທຳອິດໃນເດືອນມິຖຸນາ 2022 ມີມູນຄ່າ 53,2 ຕື້ວອນ ແລະ ຄັ້ງທີສອງໃນເດືອນ ມິຖຸນາ 2023 ມູນຄ່າ 700 ຕື້ວອນ.
ຕາມລາຍງານຈາກແຫຼ່ງຂ່າວທ້ອງຖິ່ນໃຫ້ຮູ້ວ່າ: ສ ເກົາຫຼີ ມີແຜນຈະຈັດວາງກຳລັງລົດຕັງສູນບັນຊາການ ເພື່ອປ່ຽນແທນສູນບັນຊາ
ການພາກສະໜາມຂອງກອງທັບ ທີ່ໃຊ້ການກາງເຕັ້ນເປັນປ້ອມບັນຊາການ ຈາກປັດຈຸບັນຫາປີ 2029 ຈະໃຫ້ໄດ້ປະມານ 600 ຄັນ.
ລົດຕັງສູນບັນຊາການດັ່ງກ່າວ ບັງຄັບໂດຍພົນປະຈຳການ 2 ຄົນ ພ້ອມຜູ້ໂດຍສານອີກ 8 ຄົນ, ເປັນລົດຕັງຫຸ້ມເກາະທີ່ຕິດຕັ້ງລະບົບແຮງ
ດັນທາງບວກ ເພື່ອປົກປ້ອງຜູ້ໂດຍສານຈາກເຄມີ, ນິວເຄລຍ ແລະ ສານຊີວະພາບຕ່າງໆ. ຕົ້ນແບບຂອງລົດຕັງລຸ້ນນີ້ ແມ່ນມາຈາກລົດຫຸ້ມ
ເກາະຂະໜາດ 8x8 K808 ‘Baekho’ ທີ່ມີປະຈຳການຢູ່ແລ້ວ ໂດຍແມ່ນບໍລິສັດ Hyundai Rotem ເປັນຜູ້ຜະລິດເຊັ່ນກັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/12/2023